خااااااااااااااص مني للمحبين.......

مدري بصراحه وش اللي فيك يجذبني

مدري بصراحه وش اللي فيك يجذبني
صمتك .. هدوءك .. شموخك أو معاناتك

في كل صفحة غلا ألقاك تكتبني
واصير انا لغز حاير بين ابياتك

إن جيت يمك عطش بالحب تشربني
ليلٍ سهرته يذكرني بنجماتك

ان قلت اببعد سحر عينك يقرّبني
عمري ابتدا بين نبضاتك ونظراتك

تدري شعورك فرح أو حزن يعجبني
بعثرتني بين بسماتك ودمعاتك

فرقاك فيها دموع العين تغلبني
ياليتني غيمةٍ واعشق مسافاتك

وامطر على درب قلبك يامذوّبني
واصير غصنٍ حياته دون لمساتك

أهجر .. تغلّى .. بكيفك .. صد شيّبني
أصلا شبابي عرفته بعد لحظاتك

وتصدق اني لمحتك يوم تسلبني
لكن تركتك .. عجبني نوع سرقاتك

ناي الهوى صار وسط الروح يطربني
صوّرت ذاتي سفينه .. في بحر ذاتك

لك في ضلوعي يدين الشوق تحطبني
يروق جو المسا مع طيب نسماتك

ماودي اكذب .. خفوقي فيك تعّبني
مدري وش اسمي غرامي في حكاياتك؟

إن كان هذا عذاب .. ارجوك عذبني
وان كان حبي غلط .. يازين غلطاتك

الله يعطيك العافيه

كلمات رااائعه
يعطيك الف عاافيه

الله يعطيكم الف الف عاااافيه اخواااني اخواااتي على مروووركم الذهبي